Það eru aðrar vörur á markaðnum sem innihalda EGF-prótín en byltingarkenndu BIOEFFECT-húðdroparnir eru fyrsta húðvaran sem inniheldur EGF sem framleitt er í plöntum. Aðrar vörur innihalda EGF sem ræktað er í bakteríum eða dýrafrumum en framleiðsla á EGF í byggi tryggir að EGF-prótínið er alveg laust við bakteríueitur, og aðra hugsanlega mengunarvalda sem tengjast hefðbundnum framleiðsluaðferðum.
Nei, 30 daga meðferð BIOEFFECT (BIOEFFECT 30 DAY TREATMENT) inniheldur þrjú prótín; EGF, KGF og IL-1a sem saman verka á tvö meginlög húðarinnar, ystu húðþekjuna (epidermis) og innra lag húðarinnar, leðurhúðina (dermis). Við hjá BIOEFFECT höfum það að markmiði að halda áfram að rannsaka og þróa nýjar húðvörur með nýjum sértækum prótínum..
Prótínin í BIOEFFECT-vörunum eru ólíkir öðrum prótínum á markaðnum vegna þess að þau eru framleidd í plöntum. Fram að þessu hafa öll önnur fyrirtæki, sem nota prótín í húðvörur, notað prótín framleidd í bakteríum (E.coli), dýrafrumum eða gersveppum. Framleiðsla á EGF í byggi tryggir að EGF-próteinið er laust við bakteríueitur og aðra hugsanlega mengunarvalda sem tengjast hefðbundnum framleiðsluleiðum. Með því að framleiða prótín í plöntum er mögulegt að ná áður óþekktum hreinleika og virkni.
Einstök líftæknin að baki BIOEFFECT byggist á þekkingu og skilningi okkará erfðaefni byggplöntunnar. Með því að nota vel skilgreinda genasamsetningu EGF prótínsins eins og hún kemur fyrir í manninum getum við endurskilgreint samsetninguna og útbúið sérstaka EGF genauppskrift sem byggplantan skilur. Gen framleitt á rannsóknastofu, með uppskrift að EGF eins og það kemur fyrir í manneskju er fært yfir í byggið. Eftir að tilbúna erfðaefnið er komið inn í byggið segir uppskriftin bygginu að framleiða EGF prótínið eingöngu í byggfræinu, en ekki í stöngli, rótum eða blöðum byggsins. Byggið framleiðir þannig EGF-prótín í fræi sínu sem er nákvæm eftirlíking af EGF-prótíninu sem er framleitt í húðinni og húðfrumur okkar skynja því sem sitt eigið prótín.
Nei. Prótín sem eru framleidd í erfðabreyttum lífverum eru alveg eins og önnur prótín og geta verið fullkomin eftirmynd hins náttúrulega prótíns, með sömu amínósýrur og byggingu, líkt og á við um EGF í BIOEFFECT. Án þessarar grænu líftækni að baki BIOEFFECT, sem byggir á notkun erfðabreyttra byggplantna væri hin mikilvæga framleiðsla á einstaklega hreinum og lífvirkum prótinum í plöntum erfið, eins og á við um svo margt annað mikilvægt. Lyf sem bjarga mannslífum eru t.d. framleidd með því að nota erfðabreyttar lífverur, eins og erfðabreyttar bakteríur (E.coli), frumur úr hömstrum eða öðrum dýrum. Hvernig væri hægt að framleiða insúlín eða ýmis krabbameins- og sjálfsofnæmislyf án þess að nota erfðabreyttar lífverur? Lyf sem eru lífsnauðsynleg fyrir milljónir manns um allan heim.
Þar sem byggplanta sem framleiðir EGF-prótín fyrir BIOEFFECT húðvörurnar er með nýja DNA-genasamsetningu miðað við hefðbundið bygg kallast hún erfðabreytt lífvera eða líftæknibreytt byggplanta. Nýstárlega græna líftæknin sem BIOEFFECT hefur þróað er lykillinn að framleiðslunni á prótínum í sinni hreinustu mynd, og er EGF-prótínið sem notað er í BIOEFFECT húðvörur þar engin undantekning. Þessi einstaka græna líftækni byggir á notkun erfðabreyttra byggfræja sem nokkurs konar verksmiðju fyrir framleiðslu prótína og tryggja þannig einstakan hreinleika og virkni þeirra í BIOEFFECT húðvörunum.
Já. Formúla BIOEFFECT EGF SERUM húðdropanna var sérstaklega hönnuð til þess að viðhalda virkni EGF-prótínsins óháð húðgerð. Rannsóknir sýna að húðdroparnir hafa jafn frábær áhrif á allar húðgerðir, þar á meðal þær allra viðkvæmustu. Enn fremur eru innihaldsefni þess einungis sjö og án allra þekktra ofnæmisvaka.
Nei. BIOEFFECT EGF SERUM húðdroparnir eru afbragðs rakagjafi einir og sér. Það er hugsanlegt að fita eða olíukennd efni í hefðbundnum næturkremum minnki virkni EGF-prótínsins og mælum við því með því að nota eingöngu EGF húðdropana á nóttunni til að tryggja bestu virkni vörunnar. Ef þú hins vegar velur að nota aðra húðvöru með húðdropunum, t.d. næturkrem, mælum við með að þú notir fyrst EGF húðdropana, gefir þeim svo örlítinn tíma til að fara inn í húðina og setjir hina vöruna ekki yfir fyrr en eftir 2-5 mínútur, eða þegar húðin er orðin snertiþurr.
Það er sjálfsagt að nota farða yfir dropana en við mælum með því að bíða í a.m.k. 2-5 mínútur áður en önnur vara er notuð hvort sem um er að ræða krem eða farða.
BIOEFFECT EGF DAY SERUM er rakagefandi serum sem berst gegn öldrun húðarinnar og er sérstaklega hannað fyrir notkun að degi til samtímis sem okkar vinsælusta húðvara,BIOEFFECT EGF SERUM er notuð að nóttu til . BIOEFFECT EGF DAY SERUM hefur margvíslega virkni gegn öldrun, endurvekur rétt rakastig húðarinnar og veitir mjúka áferð sem gerir það að góðum grunni undir farða.
Fyrir yngri húð mælum við með BIOEFFECT DAYTIME, nærandi dagkremi sem var hannað sérstaklega til notkunar með BIOEFFECT EGF SERUM húðdropunum og til þess að auka virkni þess að næturlagi.
Fyrir enn meiri raka mælum við með að byrja EGF-upplifunina á BIOEFFECT 30 DAY TREATMENT sem á að nota kvölds og morgna í einn mánuð í senn, einu sinni til fjórum sinni á ári eftir þörf og ástandi húðarinnar.
Bættu í EGF-rútínuna með augnseruminu okkar, EGF EYE SERUM, sem er sérstaklega hannað fyrir viðkvæmu húðina í kringum augun. Svöl stálkúlan fremst í flöskunni tryggir jafna dreifingu, kælir viðkvæma húðina, dregur úr þrota undir augunum og minnkar dökka bauga.
Við mælum með BIOEFFECT BODY INTENSIVE fyrir líkamann. BIOEFFECT BODY INTENSIVE er mjög rakagefandi serum fyrir líkamann og var sérstaklega hannað til þess að endurvekja rakastig húðarinnar og veita henni mjúka og slétta áferð. að slétta, mýkja og þétta ásýnd húðarinnar. Það er þó ekkert því til fyrirstöðu að nota BIOEFFECT EGF SERUM húðdropana á líkamann en þeir voru sérstaklega hannaðir fyrir andlit, háls og önnur svæði í andliti þar sem húðin er viðkvæmari.
Ef húðdroparnir eru notaðir skv leiðbeiningum, þ.e. 2- 4 dropar á andlit og háls einu sinni á dag ætti 15 ml glasið að endast í u.þ.b. þrjá mánuði. Byrjaðu á tveimur dropum en auktu skammtinn í fjóra ef þarf. Verði húðin klístruð eða olíukennd ertu að bera of mikið á þig og ættir að minnka skammtinn, því EGF-húðdroparnir innihalda engar olíur, ilmefni né paraben.
Já. Virkni EGF-prótínsins, ásamt rakanum sem hýalúronsýra gefur, næra og mýkja húðina. BIOEFFECT EGF SERUM húðdroparnir eru sérlega góðir fyrir þurra og viðkvæma húð og fjölmargir notendur hafa tjáð okkur að þurrkblettir hafi minnkað um leið og húðin öðlast meiri raka.
BIOEFECT EGF SERUM húðdroparnir innihalda EGF sem er náttúrulegt húðprótín sem má hugsa sér sem eins konar „kveikjara“ fyrir endurnýjun húðarinnar. EGF gefur húðfrumum merki um að hraða endurnýjunarferlinu og auka framleiðslu á hinum mikilvægu byggingarprótínum húðarinnar, kollageni og elastíni, sem gefur húðinni slétta og þétta ásýnd, aukinn ljóma og minnkar fínar línur og hrukkur.
Margir notendur segja að rakagefandi eiginleikarnir minnki pokamyndun undir augunum og að dökkir baugar hreinlega hverfi þegar húðin verður sléttari og litarhaftið jafnara.
Ef þú sækist eftir færri fínum línum og hrukkum, auknum ljóma og þéttleika á augnsvæðinu og minni þreytumerkjum mælum við með að nota BIOEFFECTEGF EYE MASK TREATMENT. Það er fljótleg en virk meðferð sem hægt er að framkvæma heima og vinnur vel með EGF-húðumhirðu þar sem hún frískar og endurvekur ljóma á húðinni í kringum augun.
Þrátt fyrir að ekki hafi verið gerðar sérstakar rannsóknir á þeim sem þjást af exemi eða öðrum þrálátum húðvandamálum er hreinleiki BIOEFFECT EGF SERUM húðdropanna slíkur að margir notendur finna jákvæðar breytingar.
Engin rotvarnarefni eru notuð við framleiðslu á BIOEFFECT EGF SERUM húðdropunum. Eitt af okkar aðalsmerkjum er að nota eingöngu innihaldsefni sem eru nauðsynleg svo prótínið virki sem best.
Hitatilfinningin sem sumir notendur finna eftir að hafa borið á sig BIOEFFECT EGF SERUM húðdropana getur verið merki um miklar og góða virkni dropanna á húð þína. Þessi tilfinning á svo að hverfa eftir að húðin hefur vanist virkni dropanna. Hins vegar ef það gerist ekki og hitatilfinningin heldur áfram eftir nokkurra daga notkun, mælum við með að þú hættir notkun dropanna
Lítill hluti notenda segist fá örlitlar bólur þegar þeir byrja að nota BIOEFFECT EGF SERUM húðdropana. Þetta gæti komið til vegna þess hversu virk efnin sem valda aukinni frumuvirkni á yfirborði húðarinnar eru. Bólurnar hverfa eftir eina eða tvær vikur í flestum tilfellum. Ef það gerist ekki skal hætta notkun og láta athuga málið.
Líkt og á við um húðina er virkni prótína eins og EGF-frumuvakans mjög viðkvæm fyrir ýmsum efnum. Samsetning BIOEFFECT EGF SERUM húðdropanna er því sérstaklega einföld og hrein og inniheldur eingöngu efni sem vernda og auka virkni EGF-frumuvakans.
Nei. Við reynum eftir fremsta megni að hafa vörur okkar eins hreinar og mögulegt er og notum því engin ilmefni í dropana.
Vegna virkni EGF á frumur mælum við með að þeir sem eru með eða hafa fengið húðsjúkdóma, eða aðra sjúkdóma sem hafa áhrif á húðina, hafi samband við lækni áður en þeir hefja notkun á „virkum“ húðvörum.
BIOEFFECT EGF SERUM húðdroparnir eru vísindalega þróaðir, framleiddir af ábyrgð og innihalda eingöngu hrein og örugg innihaldsefni. Engum rotvarnarefnum, ilm- eða litarefnum er bætt í dropana. Virka efnið, EGF-frumuvakinn, er framleitt í byggfræjum með genatækni í grænni framleiðslu á Íslandi. Droparnir eru því einstaklega hrein og lífræn húðvara en þar sem genatækni og vísindi liggja að baki framleiðslunni geta droparnir ekki verið flokkaðir eða vottaðir sem „lífrænir“.
Já, margir notendur kjósa að bera dropana á hreina húð á morgnana og enn aðrir velja að nota þá bæði á daginn og næturnar. Það er ráðlagt að nota ekki farða eða aðra húðvöru innan 2-5 mínútna frá því að BIOEFFECT EGF SERUM húðdroparnir eru notaðir þar sem það gæti haft áhrif á virkni EGF-prótínsins. Droparnir innihalda enga sólarvörn og mælum við því eindregið með að sólarvörn sé notuð yfir húðdropana til þess að vernda húðina fyrir skaðlegum útfjólubláum geislum sólarinnar.
BIOEFFECT EGF SERUM húðdroparnir innihalda engin efni sem eru á listum yfir innihaldsefni í húðvörum sem ber að varast á meðgöngu. Að auki eru öll innihaldefni BIOEFFECT EGF SERUM dropanna lögleg efni í snyrtivörum skv. tilskipun Evrópusambandsins nr. EC No 1223/2009. Það hafa þó engar sérstakar rannsóknir verið gerðar á notkun BIOEFFECT EGF SERUM húðdropanna á meðgöngu. Við ráðleggjum ófrískum konum að ráðfæra sig við lækni áður en þær hefja notkun á BIOEFFECT EGF SERUM húðdropunum.