Kolsvart bygg kynnt til sögunnar

 
Það gerir EGF Serum afmælisútgáfu okkar svo sérstaka er svarta byggið og tvöfaldur styrkleiki EGF. BIOEFFECT hefur verið í fararbroddi í þróun byltingarkenndra húðvara frá því við settum EGF Serum fyrst á markað árið 2010. Því var vel við hæfi á þessum tímamótum að ganga enn lengra og þróa enn öflugri vöru um leið og við stígum inn í nýjan áratug.
BIOEFFECT Barley
TÖFRAR SVARTRA FRÆJA

Mestöll starfsemi BIOEFFECT hverfist um eina plöntu, bygg, sem við notum til að framleiða virka innihaldsefnið EGF. EGF er eitt mikilvægasta prótínið í húðinni og hjálpar til við að auka framleiðslu á kollageni og elastíni til að viðhalda heilbrigðri, þéttri og fallegri húð. 
Við vinnum að því alla daga að auka þekkingu okkar á þessari ótrúlegu plöntu og skilja eiginleika hennar. Undanfarin ár höfum við notað afbrigði af byggi sem hentar afar vel til framleiðslu á EGF vörunum okkar og nú hefur okkur einnig tekist að þróa okkar eigið afbrigði af svörtu byggplöntunni sem við notum í fyrsta skipti í gerð afmælisútgáfunnar.

Svarta byggið vex einkum í mikilli hæð og í gegnum aldirnar hefur þessi planta þróað með sér eiginleika sem gera henni kleift að þrífast í erfiðum aðstæðum. Dökkur litur fræjanna er tilkominn vegna svartra sameinda sem innihalda melanín og öflug andoxunarefni sem hið svarta bygg nýtir í hrjóstrugu háfjallaumhverfi.

HREINT OG ÖFLUGT

Svarta byggið býr yfir fleiri sérstökum eiginleikum því fræ plöntunnar hafa ekki hýði sem auðveldar hreinsunarferli EGF prótínsins. Því er svarta byggið langöflugasta uppspretta EGF sem fundist hefur hingað til.

Við ræktuðum þetta nýja svarta afbrigði í hátæknilegri gróðursmiðju okkar og það er býsna tilkomumikil sjón að sjá svartar og grænar byggplönturnar vaxa hlið við hlið. 
Ræktunin í gróðurhúsinu byggist öll á vatnsrækt þar sem við nýtum einstaka eiginleika íslenska vatnsins og jarðvarma við ræktunina.  
 
Sala á afmælisútgáfunni hefst í september 2020 
 

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu. Lesa persónuverndarstefnu
×
Welcome Newcomer